Yanung Rikit ay Baling Ganda?: Pagsusuri sa Lexical Semantics at Cultural Descriptions ng Salitang "Rikit"

Abstrak

Malaki ang papel na ginagampanan ng wika sa kultural na paghubog ng identidad ng isang lipunan. Taglay nito ang pag-iral ng pagiging kakaiba ng bawat isa sa kanyang kapwa. Binigyang pokus ng mananaliksik sa pag-aaral na ito ang paggamit ng salitang “rikit” sa social media. Inilahad ang orihinal na kahulugan at pinagmulan ng salitang “rikit” sa pamamagitan ng lexical semantic de- scriptions, at itinampok ang kaugnayan nito sa kulturang Lucbanin batay sa kontekstwal na gamit sa social media gaya ng Facebook. Lumabas sa pag-aaral na mas madalas gamitin ang orihinal na kahulugan ng rikit (pampuri) kumpara sa kabaliktaran nito na ginagamit bilang pan- lalait. Subalit mas kapansin pansin na ang paggamit ng “rikit” bilang panlait ay maiuugnay sa mga nagmula o matagal na nanirahan sa Lucban. Ipinakita rin ng pag- aaral ang implikasyong dala ng kultura sa paghubog ng identidad tulad ng sa kung paano ginagamit sa Facebook ang salitang “rikit” ng mga nagmula sa Lucban. Sa ka- buuan, handog ng pag-aaral na ito ang pagbubukas sa kamalayan ng marami na ang mga pag-aaral sa wika at ilang mga nauusong salita ay isang perspektibong dapat ding pagtuunan ng pansin upang makalikha ng ugnayang malinaw sa pakikipagkapwa.